15/2/10

Manuel Quiroga

Manuel Quiroga? ...pois é o nome do Conservatorio de Pontevedra. E quen foi Manuel Quiroga? ...supoño que sería algún músico da cidade.
Se cadra esta conversa a alguén pode resultarlle algo absurda, como non saber quen foi Manuel Quiroga? Pero xa sabemos que as veces os nosos músicos non son coñecidos e recoñecidos dabondo. Igual é unha opinión moi persoal e un exemplo
algo inapropiado, pero Veiga, Montes, Freire, Groba, Quiroga, Gaos, etc. deberían ser tan coñecidos, alomenos entre nós, coma o Cocido, o Faro de Fisterra ou o Encaixe de Camariñas.
Ao que vamos... Manuel Quiroga foi un moi importante violinista, compositor e pintor pontevedrés do comezo do Século XX. Como intérprete, igual isto ilustra axeitadamente o seu valor: no verán de 1911, un xurado presidido por Gabriel Fauré concedía a Quiroga, que tiña dezanove anos, o primeiro premio de violín do Conservatorio de París, nada menos! Quiroga é xunto a Sarasate e Casals dos máis importantes instrumentistas de arco da historia do noso país.
En 1937, o músico era atropelado en Nova York acabándose a súa vida como intérprete. As súas gravacións non son moitas pero chegan para apreciar o bo músico que foi Quiroga. Fai algún tempo o selo Ouvirmos publicaba dous libro-discos adicados ao violinista e á súa muller, a pianista francesa Marta Leman. E agora os temos xa na nosa Biblioteca. Fai algúns días o noso compañeiro Pablo Coria nun comentario falábanos destes libro-discos, e dun libro editado pola Deputación de Pontevedra adicado ao violinista. Dicir para rematar que hai na actualidade un cuarteto que leva o seu nome, o Cuarteto Quiroga, que no seu web teñen una biografía bastante completa do músico, e que este ano teñen dous concertos programados en Galicia: un na Coruña en Marzo e outro en Ourense correspondente ao ciclo de música de cámara Sen batuta.

E xa nada máis... ata outra!

3 comentarios:

Anónimo dijo...

Por precisar:
Es conveniente adevertir al lector de que existe un Manuel López Quiroga, más conocido como MANUEL QUIROGA, compositor nacido en Sevilla a finales del S. XIX y que fue, además de un notable compositor de zarzuelas, el autor de las coplas más populares de la música española. Canciones como "Tatuaje" o "Ojos verdes" todavía han perdurado hasta hoy. Esta coincidencia en los nombres ya ha provocado alguna metedura de pata...

Mario dijo...

Xa que estamos, velaí vai un pequeno artigo tamén sobre os galegos e a música.Unha breve pero interesante ollada ao noso.

http://www.culturagalega.org/noticia.php?id=15932&soportal=mega

Saúde!

Anónimo dijo...

Muy merecido homenaje. La pena es que a Varsovia no llega el transporte urbano...¡...!

http://www.publico.es/agencias/efe/296849/maraton/musica/chopin/abre/bicentenario/nacimiento/genio